ក្រុងប៉ោយប៉ែត ៖ ឧទ្ធម្ភាគចក្រសៀម ចំនួន២គ្រឿង បានហោះហើររំលោភដែន អាកាសកម្ពុជានៅចំណុចកាស៊ីណូបន្ទាត់ព្រំ ដែនក្នុងភូមិក្បាលស្ពាន សង្កាត់ប៉ោយប៉ែត កាលពីវេលាម៉ោង១ និង៤៥នាទីរសៀល ថ្ងៃ ទី៤ កក្កដា ។ឧទ្ធម្ភាគចក្រសៀមនេះបានហោះហើរ ចូលមកកម្ពុជាប្រមាណ១៥០ម៉ែត្រដោយ ហោះហើរពីទិសខាងជើងឆ្ពោះទៅទិសខាង ត្បូង លុះមកដល់ចំណុចកាស៊ីណូហ្គោលឌិន ក៏បត់ឆ្ពោះទៅទិសខាងលិចចូលទៅទឹកដី របស់ខ្លួនវិញ ។ ក្នុងពេលហោះហើរនោះ ប្រជាពលរដ្ឋជាច្រើននៅចំណុចកាស៊ីណូ បាននាំគ្នាឈរមើលច្រូងច្រាងយ៉ាងភ្ញាក់ផ្អើល ដោយអ្នកខ្លះគិតថា ជារបស់ខ្មែរ ។ លុះពេល ឧទ្ធម្ភាគចក្របត់ក្បាលចូលទឹកដីសៀមវិញក៏នាំគ្នានិយាយថា ហេតុដូចម្ដេចបានជា បណ្ដោយឱ្យឧទ្ធម្ភាគចក្រសៀមហោះចូល ដែនអាកាសខ្មែរយើងដោយសេរីបែបនេះ?
ជុំវិញការហោះហើររបស់ឧទ្ធម្ភាគចក្រសៀមខាងលើនេះ លោកឧត្ដមសេនីយ៍ត្រី ឌីផេន នាយករងទីចាត់ការការងារព្រំដែនអគ្គបញ្ជាការ និងជាប្រធានការិយាល័យ ទំនាក់ទំនងព្រំដែនកម្ពុជា-ថៃ បានប្រាប់កោះ សន្ដិភាពតាមទូរស័ព្ទថា ខាងភាគីសៀម បានជូនដំណឹងជាមុនមកការិយាល័យរបស់ លោកដែរ ប៉ុន្ដែលោកឌី ផេន មិនបានថ្លែង លំអិតពីការហោះហើររបស់ឧទ្ធម្ភាគចក្រ សៀមឱ្យច្បាស់លាស់នោះទេ ដោយសេវា ទូរស័ព្ទរបស់លោកមានការរអាក់រអួល ។ លោកបានប្រាប់ថា លោកកំពុងស្ថិតនៅលើ រថយន្ដឆ្ពោះទៅភ្នំពេញ បន្ទាប់មកក៏ផ្ដាច់ការ ទាក់ទងតែម្ដង។លោកវរសេនីយ៍ឯក សំ ជិត ស្នងការរងទទួលបន្ទុកការងារព្រំដែននៃ ស្នងការដ្ឋាននគរបាលខេត្ដបន្ទាយមានជ័យ បានប្រាប់កោះសន្ដិភាពតាមទូរស័ព្ទថា ខាង ភាគីសៀមបានជូនដំណឹងមកភាគីកម្ពុជាពី ការហោះហើរតាមឧទ្ធម្ភាគចក្រនេះ តាម រយៈការិយាល័យទំនាក់ទំនងព្រំដែនកម្ពុជា-ថៃនៅថ្ងៃទី៣ កក្កដា ហើយក្នុងរបាយការណ៍ ជូនដំណឹងនោះ គឺហោះហើរតាមព្រំដែនពី ស្រុកគោកធ្យូងមកស្រុកអារញ ។
ចំពោះ ការហោះហើររំលោភដែនអាកាសនេះ លោក វរសេនីយ៍ឯក សំ ជិត បន្ដថា លោកបានទទួល ព័ត៌មានដែរ ប៉ុន្ដែព័ត៌មាននេះគឺដឹងត្រឹមតែ សៀមស្នើសុំហោះហើរឧទ្ធម្ភាគចក្រតាម បន្ទាត់ព្រំដែនរបស់គេប៉ុណ្ណោះ ។ ទោះបីជា បែបណា បើមានការហោះហើររំលោភដែន អាកាសមែននោះ លោកនឹងស្រាវជ្រាវ។ កន្លងមកភាគីសៀមតែងតែបានរំលោភដែនអាកាសម្ដងម្កាលដែរ ប៉ុន្ដែមិនចូលជ្រៅទេ គឺ គ្រាន់តែចូលតិចតួច រួចក៏បត់ក្បាលចូលទៅដី គេវិញ ។ ស្ថានភាពបែបនេះតែងបានកើត ឡើងជាបន្ដបន្ទាប់ ៕ You can seach more news with: www.kohsantepheapdaily.com.kh
What do you think about my news?
ReplyDelete